{"id":1560,"date":"2018-06-29T14:56:18","date_gmt":"2018-06-29T12:56:18","guid":{"rendered":"https:\/\/www.ccooservicios.es\/galicia\/2018\/06\/29\/mobilizacions-no-comercio-vario-da-coruna-e-do-comercio-textil-de-ourense-no-primeiro-dia-de-rebaixas\/"},"modified":"2026-04-28T23:12:39","modified_gmt":"2026-04-28T21:12:39","slug":"mobilizacions-no-comercio-vario-da-coruna-e-do-comercio-textil-de-ourense-no-primeiro-dia-de-rebaixas","status":"publish","type":"post","link":"https:\/\/www.ccooservicios.es\/galicia\/2018\/06\/29\/mobilizacions-no-comercio-vario-da-coruna-e-do-comercio-textil-de-ourense-no-primeiro-dia-de-rebaixas\/","title":{"rendered":"Mobilizaci\u00f3ns no comercio vario da Coru\u00f1a e do comercio t\u00e9xtil de Ourense no primeiro d\u00eda de rebaixas"},"content":{"rendered":"

O sector do comercio vario da
\nprovincia da Coru\u00f1a e o comercio t\u00e9xtil da provincia de Ourense
\nmobilizaranse o pr\u00f3ximo venres, d\u00eda 29 de xu\u00f1o, cadrando co inicio
\ndas rebaixas. Os sindicatos Comisi\u00f3ns Obreiras (CCOO), UGT e CIG,
\nque promoven as mobilizaci\u00f3ns, denuncian que as patronais de ambos
\nos dous sectores pretenden \u00abcondenar\u00bb os traballadores e
\ntraballadoras \u00aba salarios conxelados ou de miseria\u00bb. \u00abAs rebaixas,
\nnos prezos, non nos nosos dereitos\u00bb, advirten.<\/p>\n

No caso do comercio vario coru\u00f1\u00e9s, CCOO, CIG e UGT rexeitan as pretensi\u00f3ns da patronal de recortar dereitos na negociaci\u00f3n do novo convenio. Os sindicatos salientan especialmente a \u00abteima\u00bb das empresas do sector en eliminar o dereito do persoal a cobrar o salario \u00edntegro en casos de incapacidade temporal. O aspecto salarial tam\u00e9n \u00e9 relevante, xa que os soldos non se actualizan desde xu\u00f1o do 2015 e a oferta empresarial \u00e9 s\u00f3 do 1 %, sen inclu\u00edr atrasos de anos anteriores.<\/p>\n

En materia de contrataci\u00f3ns, as empresas pretenden seguir \u00abaproveit\u00e1ndose\u00bb dos contratos formativos para contar cunha porcentaxe de persoal cobrando o salario m\u00ednimo. Na mesma li\u00f1a, n\u00e9ganse a establecer un sistema que dimin\u00faa a contrataci\u00f3n a tempo parcial e que garanta o aumento das xornadas parciais non desexadas.<\/p>\n

Tampouco hai avances sociais: ofrecen oito horas anuais para acompa\u00f1amento m\u00e9dico de fillos ou fillas ou excedencias sen salario para ‘facilitar’ a conciliaci\u00f3n.<\/p>\n

Canto ao comercio t\u00e9xtil ourens\u00e1n, a proposta das empresas situar\u00eda os soldos \u00ablixeiramente por riba do salario m\u00ednimo\u00bb no ano 2020. Para a Federaci\u00f3n de Servizos de Comisi\u00f3ns Obreiras, isto ser\u00eda \u00abindecente\u00bb, amais de non cadrar \u00abcuns cadros de persoal formados e profesionalizados\u00bb.<\/p>\n

Coa oferta empresarial na man, unha dependenta que en 2010 cobrase 873,19 euros mensuais chegar\u00eda ao 2020 cobrando 925,58, isto \u00e9, un incremento de s\u00f3 52,39 euros en toda unha d\u00e9cada. Para ese mesmo exercicio, a proposta de SMI \u00e9 de 850 euros, polo que a proposta da patronal deixar\u00eda ese colectivo apenas 75,58 euros por riba dese m\u00ednimo.<\/p>\n

A maiores, CCOO denuncia que a patronal quere \u00abfacer desaparecer de s\u00fapeto\u00bb todo o per\u00edodo 2011-2017 e eliminar calquera suba salarial ou pagamento de atrasos para eses anos. Ademais, n\u00e9gase a negociar a reduci\u00f3n da xornada anual, o incremento da garda legal ata os catorce anos ou o aumento dos d\u00edas de lactaci\u00f3n, polo que se dificulta a conciliaci\u00f3n da vida persoal, familiar e laboral.<\/p>\n

Concentraci\u00f3ns 29 de xu\u00f1o<\/strong><\/p>\n

<\/p>\n